PARENT OUTREACH OFFICE 

Moun ki kontak-la:        Yvette Fournier Fernández, JD
                                      Parent Outreach Specialist
                                      (754) 321-2951
                                      yvette.fernandez@browardschools.com  

Biwo-sa-a ofri yon gran varyete sèvis pou fanmi ki pale de lang, elèv ESOL ak òganizasyon kominotè, konsa li va asire fanmi-yo ki bileng va entegre nan kominote lekòl regilye-nou. Rechèch-yo pwouve timoun ki gen fanmi yo ki patisipe nan edikasyon-yo, va reyisi mye nan etid-yo.

Se nan enterè nou pou nou mete ajou regilyèman sit wèb-sa-a. Granmèsi sit wèb-la nou kapab founi fanmi, elèv ak manm kominote-a resous ki va fasilite patisipasyon-yo. Chèche gen aksè nan ransèyman enpòtan sou distrik Broward County School District epi sou lekòl-yo,  konsa wa kapab pran desizyon akademik an moun enfòme. Nap bay fanmi-yo enfòmasyon sou sa kap pase nan nivo Nasyonnal ak nan nivo Leta, konsa fanmi-yo va kapab familyarize-yo ak dwa epi responsablite-yo, egzanp lwa No Child Left Behind Act (klike isit-la).

Men kèk sèvis biwo-nou ofri:

• Asistans dirèk epi endividyèl pou fanmi bileng (ki pale de lang) ak elèv ESOL pou tout keksyon ak pwoblèm yo kapab genyen. Epitou biwo-a sèvi kòm yon resous itil pou diferan sèvis nan kominote-a.
• Oryantasyon sou sistèm lekòl ameriken epi sou sèvis ak pwogram ESOL nan Broward County pou elèv ak fanmi
• Yon pwogram kolaborasyon konplè ant Lekòl – Fanmi - Elèv – Kominote
• Fòmasyon paran pou lidèchip
• Kolabore epi asiste ESOL Leadership Council (komite lidèchip paran) ki ede pwomouvwa reyisit akademik elèv ESOL
• Asiste lekòl-yo pou yo kapab kominike nan twa lang prensipal Distrik-la: espayòl, kreyòl ayisyen ak pòtige avèk fanmi ki gen pitit-yo nan pwogram  ESOL.
• Konseye elèv lekòl segondè - midèleskoul ak ayeskoul - epi paran-yo sou lekòl segondè ayeskoul epi oryantasyon sou karyè.
• Devlope epi òganize chak anne yon  Bilingual Parent Insitute (Enstiti pou Paran Bileng) epi  Bilingual Youth Leadership Conference (Konferans lidèchip pou jènn nan lekòl segondè ki pale de lang)
• Kolabore avèk kolèj epi inivèsite lokal pou ankouraje epi ogmante anwolman elèv ESOL ki diplome.
• Kolabore avèk òganizasyon epi ajans nan kominote-a pou pwomouvwa meyè sèvis pou fanmi bileng epi pou elèv ESOL.

Tanpri ale nan divès resous nou founi nan sit Entènèt-la pou ou kapab travay ak pitit-ou pou reyalize objektif akademik nan yon wo nivo.  Nou ta renmen resevwa opinyon-ou sou jan nou kapab rann sit wèb-la pi itil pou fanmi, elèv ak manm kominote-nou. Klike sou (Kontakte nou) pou ou kapab pran kontak ak nou.

Patisipe

Gen plizyè jan fanmi kapab patisipe nan edikasyon pitit-yo – yo dwe rete okouran sou tout sa kap pase nan saldeklas, lakay ak nan tout distrik-la.

Broward County Public Schools – Lekòl piblik Brawad Kaounti ankouraje fanmi-yo patisipe aktivman, epi pran responsabilite-yo pou yo bay pitit-yo bon jan edikasyon. Men plizyè jan fanmi-yo kapab di mo pa-yo epi fè ladiferans nan edikasyon pitit-yo.

Parent Guide
(Gid pou Paran)

DISTRICT ADVISORY COUNCIL (DAC)
(Komite Konsiltatif Distrik DAC)

The District Advisory Council ankouraje epi pwomouvwa yon edikasyon piblik pi wo kalite pou tout elèv ki nan lekòl-nou-yo, rejyon, distrik epi nan Eta-a lè li asiste epi kenbe yon rezo efikas ki fòme ak fanmi, elèv, biznis, gouvènman, lekòl, manm pèsonnèl distrik epi  kominote-a.

PTO

Kèk lekòl gen òganizasyon endepandan ki rele PTO ki la pou bay chak lekòl sipò nan efò yap fè pou amelyorasyon.  Òganizasyon-sa-yo endepandan epi yo travay avèk yon lekòl an patikilye.

SCHOOL ADVISORY FORUM
(Fòwòm Konsiltatif Lekòl)

Chak lekòl gen yon fowòm konsiltatif ki aji kòm yon gwoup ki adrese divès keksyon sou edikasyon.  Yo fè komite rejyonal ak distrik konnen lide ak preyokipasyon-yo. Toude komite-yo rankontre regilyèman avèk manm pèsonnèl pi enpòtan epi avèk Superintendent-an (Direktè Jeneral-yo).  Komite konsiltatif fè travay ekstrawòdinè onon timoun-yo.  Si ou vle vin manm gwoup-sa-a, rele lekòl zòn-ou pou plis enfòmasyon.

SCHOOL ADVISORY COUNCIL SAC
(KOMITE KONSILTATIF LEKÒL SAC)

School Improvement (Amelyorasyon lekòl) se yon priyorite pou tout lekòl Broward.  Pou sa rive, chak lekòl gen yon Advisory Council (Komite Konsiltatif) ki etidye dosye lekòl-la epi devlope chak anne yon plan pou amelyore edikasyon nan domenn enpòtan tankou:
siksè elèv, pwogram etid, sekirite ak disiplin.  Plan-sa-yo nan dosye chak lekòl.  Rele lekòl zòn-ou pou fè pati ekip-sa-a.

ESOL LEADERSHIP COUNCIL
(Komite Lidèchip ESOL)

Se yon fowòm pou tout distrik-la pou fanmi Limited English Proficient (LEP) (ki gen konpetans limite nan lang angle) epi manm enterese nan kominote-a. Bi fowòm-la se asiste Distrik-la epi ede li idantifye bezwen ak priryorite edikasyon elèv LEP.  The ESOL Leadership Council (Komite Lidèchip ESOL) reyini chak mwa chak premye mèkredi nan
mwa-a pandan anne lekòl nan bilding K.C.Wright Administration Building. Pou plis enfòmasyon, kontakte Yvette Fernandez nan Depatman Bilingual/Foreign Language/ESOL Education Department  nan nimewo telefòn 754-321-2951; oswa vizite
Sit Entènèt depatman-an nan www.broward.k12.fl.us/esol

VOLONTÈ

Timoun-nou-yo konte sou volontè ki kapab fè tout bagay nan lekòl kote yo fè volontè – Ede pwofesè, bay elèv leson, ede nan biwo lekòl-la epi aji kòm konseye pou motive jèn- yo. Ou kapab ale fè volontè nan lekòl pitit-ou oswa nan yon lòt lekòl. Rele biwo Volunteer Services Office nan nimewo telefòn 7554-321- 2040 epi enskri jodia menm,
oswa vizite sit entènèt depatman-an nan www.getinvolvedineducation.com/volunteer_services.html

ASOSYE NAN EDIKASYON

Partners in Education se premye pwogram asosiyasyon ant lekòl epi biznis Broward County Public Schools. Patisipasyon ou antanke Patnè ant biznis epi kominote-a va enfliyanse elèv-yo, fiti lidè kominote-nou.  Pou asosye-yo, rekonpans-yo alafwa pre epi
alontèm paske yon bon sistèm edikasyon vle di klèman siksè ekonomik pou Broward County. Pou plis enfòmasyon, tanpri rele (754) 321-1974 oswa vizite sit entènèt depatman-an nan www.browardpartners.com/

TAKE STOCK IN CHILDREN

Take Stock in Children se yon pwogram konpreyansif ki ede timoun reyisi.  Fanmi timoun-sa-yo dwe gen ti revni.  Pwogram-nan bay timoun-sa-yo bous pou kolèj ak bous pou lekòl teknik ak lekòl pwofesyonnèl, mete aladispozisyon elèv-yo  konseye ki bay tan-yo, vin defansè elèv/manadjè ka, bay leson ratrapaj, ofri entèvansyon bonnè ak sipò pou yon tan long, estanda ki wo, patisipasyon fanmi, epi sipò kominote-a. Pwogram Take Stock in Children  se yon solisyon pou youn nan pwoblèm  grav Eta Florid ap konfwonte – elèv ki kite lekòl ak ogmantasyon krim jèn-yo ap komèt.  Pwogram Take Stock in Children  gen eksperyans nan ede timoun diplome lekòl segondè, ale nan kolèj, evite gen pwoblèm epi vin sitwayen pwodiktif.  Fanmi timoun-yo dwe gen ti revni. Nan Broward County Take Stock in Children ede plis pase 400 elèv avèk plis pase 500 volontè ki ede konseye elèv-yo.  Vizite sit entènèt depatman-an nan www.takestockinchildren.com

KONSEYE ELÈV

Èske te gen yon moun espesyal nan vi-ou tankou yon pwofesè, yon vwazen, elatriye, ki konn ankouraje epi motive ou reyisi?  Yon moun pou gide-ou epi ki pou ede-ou pran bon desizyon?  Se tou pa-ou kounye-a pou se moun espesyal-sa-a epi ede lezòt.  Vin yon konseye epi ede motive yon timoun konsa timoun-sa-a va bay edikasyon enpòtans epi tabli bi siyifikatif pou li-menm.  Ede elèv-la pa kite lekòl lè li fè move chwa tankou rantre nan gang oswa pran dwòg. Vin yon konseye! Pou plis enfòmasyon tanpri rele nimewo telefòn (754) 321-1972 oswa vizite sit entènèt depatman nan
www.getinvolvedineducation.com/mentors.html

Nimewo yo rele pi souvan